Dear SSS,
Ako po ay magreretiro na sa susunod na taon. May nakapagsabi sa akin na ngayon pa lang ay dapat inaasikaso ko na ang pag-uupdate ng aking records sa SSS. Hanggang ngayon kasi ay hindi ako sigurado kung updated ang aking mga detalye tulad ng address at benepisyaryo. Saan ako maaaring magtungo para maumpisahan ang pagtatama ng aking records? Salamat po! – Roger, Baguio City.
Mabuting Araw, Roger! Una sa lahat, nais ka naming batiin sa iyong nalalapit na pagreretiro. Tama ang nasagap mong balita na kailangan mag-update ng records sa SSS upang mas mapadali ang pagproseso ng iyong Retirement Benefit claim. Maaari mo itong gawin over the counter sa alin mang SSS branch.
Ang SSS Form E-4 o Member Data Change Request Form ang dapat fill-outan at isubmit sa SSS branch kasama ang supporting documents para i-update ang iyong personal records sa SSS.
Ilan lamang sa inuupdate na personal information ay Mailing Address, Foreign Address kung mayroon man, Telephone Number, Mobile Number at E-Mail Address.
Dapat ring i-correct sa SSS ang iyong Gender kung ito ay mali mula Male to Female o vice versa at i-update ang membership status mula “temporary” to “permanent” sa pamamagitan ng pagsusumite ng kopya ng iyong PSA Birth Certificate. Kinakailangan ring isumite ang Birth Certificates ng iyong mga anak upang malista sila bilang iyong mga benepisyaryo. Kabilang din sa inuupdate ay ang Civil Status mula single to married lalo na sa pagpapalit ng apelyido ng babaeng miyembro. Kailangan lamang magpakita ng Marriage Certificate, o Certitificate of Finality of Annulment/Nullity or annotated Marriage Certificate kung legally separated. Magsumite naman ng Death Certificate ng inyong asawang namatay na reported sa SSS.
Importante rin na itama ang inyong pangalan sa aming SSS records. Halimbawa na lamang nito ay pagtatama sa pangalan tulad ng spelling mula “I” ay gagawing “E” o vice versa, correction ng isa o dalawang letra sa pangalan, o pagtatanggal o pagdadagdag ng space at special characters. Kabilang din ang pagtatama ng prefix gaya ng “de”, “dela” delos”, “del”, at Ma. ay gagawing Maria at vice versa, pageencode ng middle name para makumpleto ang middle initial na nasa SSS records.
May pagkakataon na ang pangalan ng miyembro sa SSS records ay ibang-iba sa kanyang personal na dokumento gaya ng government IDs at Birth Certificate. Para masuportahan ang inyong request for correction, magpasa lamang ng PSA Birth Certificate, valid IDs na nakasaad ang tamang pangalan ng miyembro at Affidavit of Two Disinterested Persons. Tandaan na tinatanggap din ang anumang ID o legal na dokumento mula sa ibang bansa basta’t nakasalin ito sa wikang English.
Roger, makabubuting i-check din kung tama ang iyong date of birth sa aming records. Para sa mga kailangan magupdate nito, magpasa ng PSA Birth Certificate at Affidavit of Two Disinterested Persons.
Sana ay nakatulong ang mga impormasyong ito Roger at maging sa mga miyembrong may kaparehong concern tungkol sa updating ng records sa SSS. Tandaan, mahalaga pong tama at updated ang mga detalye natin sa SSS para sa mabilis at magaan na pakikipagtransaksyon sa SSS.
Magpadala lamang ng email sa rillortac@sss.gov.ph kung may katanungan, paglilinaw o anumang paksa tungkol sa SSS na nais ninyong pag-usapan.